弊! 莫非老爸也患上心房顫動?!
事源前排放大假,因為朋友放飛機而冇得去旅行,造就我與兩老對足一個星期。而我亦因此而發現一件事, 就係老爸有心臟病!
我問佢:「醫生話你係乜野嘅心臟病呢?」點知老爸就好似689上身,全部「唔記得」、「唔知道」。又話「醫生講過,但唔記得啦,前排有醫生出嚟講過架……總之要食藥,食藥就無事。」
「咁醫生叫你食乜野藥呀?」
「我唔知係咩藥,只係知道食咗又要唔食得其他野,好煩。上次入醫院都係因為食錯野……」
「幾時入過醫院啊?,怎麼你們不告訴我?!」
「唔係好記得邊日,你嗰陣好似出咗差……」
阿爸咁迷茫,我惟有在網上搜尋所有相關心臟病的資料,看看有冇「線索」。
結果我上網一打「心臟病」,尋找最近的新聞,就發現「心房顫動」這個病。原來心房顫動是一種很普遍的「心臟病」,75歲或以上長者的病發率增幅最嚴重,患者的中風風險較常人高出五倍,所以要食藥減低風險。看來,老爸的「心臟病」好大機會是「心房顫動」!?
說來真愧疚,一齊住我都不知道老爸有事!一直以來,我以為每個月俾足家用就已經係孝順,但原來,多些與他們傾偈,關心他們,同樣重要。在我心目中,老爸一直是健康無病的強人,家裏有什麼粗重功夫,都是老爸出手,但畢竟強人也會老,也會健康衰退啊!
好彩佢就快覆診,我決定請假陪佢,就算佢自己唔記唔理自己有咩病,我都唔可以咁樣由得佢!
沒有留言:
張貼留言